Шинохти пояҳои имон

Аз Алӣ(к) дар бораи имон пурсида шуд, фармуд:

Имон бар чаҳор поя устувор аст; бар шикебоӣ, яқин, адолат ва ҷиҳод.

(1) Шикебоӣ чаҳор шоха дорад: иштиёқ, тарс, зуҳд ва интизор. Он ки муштоқи биҳишт бошад, дил аз шаҳват мешӯяд. Он ки аз оташ тарс дорад, аз ҳаромҳо дурӣ меҷӯяд. Он ки ба дунё рағбат надорад, мусибатҳоро осон мешуморад ва он ки маргро интизор кашад, ба сӯи корҳои хайр бишитобад.

(2) Яқин чаҳор шоха дорад; биноии зиракона, дарёфти олимона, панд гирифтан аз гузари замон [ёаз ҳаводиси ибратомӯз] ва пайравӣ аз сираи пешиниён. Касе, ки зиракона дид, ҳикмат барояш ошкор шуд.

Ва ҳар кас ҳикмат барои вай ошкор шуд, ибрат омӯхт.

Ва ҳар кас ибрат омӯхт ту гӯӣ дар миёни пешиниён зиста [ва дар таҷрубаҳои онон ширкат ҷуста] аст.

(3) Адолат чаҳор шоха дорад; фаҳми амиқ, ғаввосӣ дар дарёи дониш, доварии некӯ ва равшан, шикебоии устувор. Касе, ки хуб фаҳмид, ба умқи дониш расид ва ҳар ки ба умқи дониш расид, аз сарчашмаи аҳкоми шариат сероб гашт. Ҳар кас шикебоӣ варзид, дар кори хеш кутоҳӣ накард ва дар миёни мардум писандида зиндагӣ намуд.

(4) Ҷиҳод чаҳор шоха дорад; амр ба маъруф, наҳй аз мункар, садоқат ва пойдорӣ дар майдонҳои набард ва душманӣ бо фосиқон. Касе, ки амри ба маъруф кард, мӯъминонро неруманд сохт. Касе, ки наҳй аз мункар намуд, бинии кофиронро бар хок молид. Касе, ки дар миёни набард пойдорӣ кард, вазифаашро ба анҷом расонд. Касе, ки бо фосиқон душманӣ варзид ва барои Худо хашм варзид, Худованд ба хотири ӯ хашм гирифт ва рӯзи қиёмат ӯро хушнуд гардонд.

(Наҳҷулбалоға, ҳикмати 31 бахши аввал)

Охирин матолиб

Тарҷумаи СУРАИ АНФОЛ

СУРАИ АНФОЛ Ин сура дар Мадина нозил шуда ва 75 оят дорад. Ба номи Худованди Бахшандаи Меҳрубон Аз ту дар бораи анфол (ғаниматҳо ва сарватҳои...

Бо баҳори дилҳо (4)

Ҳарфҳои муқаттаъа Чаро дар аввали сураҳои Қуръон монанди “Бақара” ва “Оли Имрон” калимаҳое монанди (алиф.лом.мим) омада аст? Ин калимаҳо чӣ маъно доранд? Ба ин ҳарфҳо,...

Хонавода дар Қуръони Карим

Бо назар ба оёти зиёди Қуръони Маҷид дар хусуси калимаи “байт” (хона) чунин ба даст меояд, ки ин макони сақфдори маҳдуд аввалин муҳити рушду парвариши...

Тарҷумаи СУРАИ АЪРОФ

СУРАИ АЪРОФ Ин сура дар Макка нозил шуда ва 206 оят дорад. Ба номи Худованди Бахшандаи Меҳрубон Алиф, лом, мим, сод. [Ин] китобест, ки ба...

Бо баҳори дилҳо (3)

  Чаро Қуръонро «Каломуллоҳ» номидаанд? Аз он ҷо, ки Қуръони Карим маҷмӯаи суханони Худованд аст, ки фариштаи ваҳй ҳазрати Ҷабраил (а) барои ҳазрати Муҳаммад (с)...