Рузе Муҳаммадалӣ подшоҳи Миср аз кўчае мегузашт, дар сари роҳи худ писари нўҳсолаеро дид ва ба ў гуфт:
Савод дорӣ?
Писарак ҷавоб дод:
Қуронро хондаам ва «Инно фатаҳно»-ро ҳифз кардаам. Ин ҳарфи писарак подшоҳро хушҳол кард ва як динори тилло ба ў бахшид. Писарак сиккаро бўсид ва сипас гуфт :
Аз қабули ин маъзурам. Подшоҳ бо тааҷҷуб пурсид : Чаро?
Писарбачча гуфт : Падарам маро танбеҳ хоҳад кард , зеро мепурсад, ин сиккаро аз куҷо овардаӣ ? Агар бигўям, ки султон ба ман лутф, кардааст мегўяд бахшиши султон камтар аз ҳазор динор нест.
Подшоҳ бисёр хушҳол шуд ва аз ҳушу заковати ў дар тааҷҷуб монд, падарашро хост ва махориҷи таҳсили кудакро таъмин кард.
