Донишманд ва чӯпон
Донишманде дар биёбон чӯпонеро дид ва ба ӯ гуфт:
Чаро ба ҷои илмомӯзӣ чӯпонӣ мекунӣ?
Чӯпон дар ҷавобаш гуфт:
Ончи хулосаи ҳамаи донишҳост ёд гирифтам.
Донишманд гуфт:
Хулосаи донишҳо чист?
Чӯпон гуфт: панҷ чиз аст:
- То рост тамом нашуда, дуруғ нагӯям.
- То моли ҳалол тамом нашуда, ҳаром нахӯрам.
- То аз айбу гуноҳи худ пок нагардам, айби мардум нагӯям.
- То рӯзии Худо тамом нашуда, ба дари хонаи дигарӣ наравам.
- То қадам ба биҳишт нагзоштаам, аз ҳавои нафс ва шайтон ғофил набошам.
Донишманд гуфт: Ҳаққо ки тамоми улумро дарёфтаӣ, ҳар кас ин панҷ хислатро дошта бошад аз оби ҳақиқати илму ҳикмат сероб шудааст.
