Бахшиши Паёмбари Аъзам(с)

Шунидам, ки Тай дар замони Расул(с)

Накарданд маншури имон қабул

Фиристод лашкар, башири назир

Гирифтанд аз эшон гуруҳе асир

Бифармуд ба куштан ба шамшери кин

Ки нопок буданду нопокдин

Зане гуфт: Ман духтари Ҳотамам

Бихоҳед аз ин номвар ҳокимам

Карам кун ба ҷои ман эй муҳтарам

Ки мавлои ман буд аз аҳли карам

Ба фармони Пайғамбари некрой

Кушоданд занҷираш аз дасту пой

Дар он қавм боқӣ ниҳоданд теғ

Ки ронанд селоби хун бедареғ

Ба зорӣ ба шамшерзан гуфт зан

Маро низ бо ҷумла гардан бизан

Мурувват набинам раҳоӣ зи банд

Ба танҳову ёронам андар каманд

Ҳаме гуфту гирён бар ахвони Тай

Ба самъи Расул омад овози вай

Бибахшидаш он қавму дигар ато

Ки ҳаргиз накард аслу гавҳар хато

Саъдӣ

Охирин матолиб

ШАЪБОН МОҲИ ХУБИҲО

  Моҳи Шаъбон яке аз моҳҳои бофазилат ва мавриди таваҷҷуҳи ҳазрати Ҳақ ва анбиёву авлиёи илоҳӣ буду ҳаст. Дар ин моҳ аъмолу дуоҳое ворид гаштааст,...

Тарҷумаи СУРАИ БАҚАРА

Ин сура дар Мадина нозил шуда ва 286 оят дорад. Ба номи Худованди Бахшандаи Меҳрубон Алиф, лом, мим. Он китобест, ки ҳеҷ шакке дар он...

Тарҷумаи СУРАИ ФОТИҲА

СУРАИ ФОТИҲА Ин сура дар Макка нозил шуда ва 7 оят дорад. Ба номи Худованди Бахшандаи Меҳрубон. Ситоиш Худоро, ки Парвардигори ҷаҳониён; Бахшандаи Меҳрубон; Соҳиби...