Чаро мехоҳед қурбонӣ кунед?

Иди Қурбон яке аз бузургтарин идҳои мусалмонон дар тӯли сол мебошад. Иди қурбон таҷаллии Тавҳид ва худопарастӣ буда ва намоде барои мубориза бо нафс аст

ва хоҳишҳои нафсонӣ ва ҳар ончӣ ки инсонро аз роҳи расидан ба Худо боз медорад. Иди Қурбон, рӯзи пирӯзии Инсон бар Шайтон ва рӯзи гузашт аз ҳама чиз барои анҷоми фармони илоҳӣ аст.

“Ид” ба маънои руҷӯъ ва баргаштан аст ва “Қурбон” ба маънои наздикӣ ва гузаш ва қурбонӣ ё ҳар ончӣ ки бо он битавон ба Парвардигор наздикӣ ҷӯст.[1]

Касе ки гусфандеро зибҳ мекунад, дар ҳақиқат бо ин ҳаракати зоҳирӣ, ки намоде дар байни мусалмонон гашта аст, қасди аз байн бурдани ҳавасҳо ва вобастагиҳояшро мекунад ва омодаи исору гузашт ва фидокорӣ мешавад. Чунонки имом Зайналобидин (а) аз Шиблӣ пурсиданд:

عِنْدَ مَا ذَبَحْتَ هَدْيَكَ نَوَيْتَ أَنَّكَ ذَبَحْتَ حَنْجَرَةَ الطَّمَعِ بِمَا تَمَسَّكْتَ بِهِ مِنْ حَقِيقَةِ الْوَرَعِ….؟

Оё ҳангоми сарбуридани қурбонӣ ният кардӣ, ки бо чанг задан ба ҳақиқати тақво гардани тамаъро (хостаҳои нафсониро) қатъ кунӣ? [2]

Бинобарин қурбонӣ кардани гӯсфандон дар рузи иди Қурбон бо ҳадаф ва нияти холис бошад ва ҷавоби ин саволро ҳамеша ҳангоми қурбонӣ дар зеҳн дошта бошед, ки чаро мехоҳед қурбонӣ кунед?

Мехоҳед ба пайрави аз ҳазрати Иброҳим(а) қурбонӣ кунед?

Мехоҳед бо ин қурбонӣ ба фақирон таом диҳед?

Мехоҳед тамрине бошад барои фидо кардани хостаҳоятон дар муқобили хости Худо?

Ё чун қурбонӣ яке аз аъмоли ҳоҷиён дар маросим пурбаракати Ҳаҷ аст бо ин кор мехоҳед дар аъмоли онҳо шарик шавед?….

Агар бо ин ниятҳо қурбонӣ кардед ҳатман дуо кунед ва аз Худо бихоҳед, ки Худоё ин қурбониро аз мо қабул кун.

Ёсин



[1] . Лисонулараб, калимаи “қурб”.

[2] . Васоил, ҷ. 10, саҳ 171.

Охирин матолиб

Тарҷумаи СУРАИ МОИДА

СУРАИ МОИДА Ин сура дар Мадина нозил шуда ва 120 оят дорад.  Ба номи Худованди Бахшандаи Меҳрубон Эй касоне, ки имон овардаед! Ба паймонҳо вафо...

Инсоф дар рафтор

Имом Ҳасан(а) фармуданд:  Бо мардум ба гунае рафтор кун, ки дӯст дорӣ бо ту он гуна рафтор кунанд. (Аъломуддин, с.297)

Парҳез аз саҳлангорӣ

 امام حسن (ع): إنَّ اللهَ جَعَلَ شَهْرَ رَمَضانَ مِضْمارا لِخَلْقِهِ. فَیَسْتَبِقُونَ فیهِ بِطاعَتِهِ إِلی مَرْضاتِهِ. فَسَبَقَ قَوْمٌ فَفَازُوا، وَقَصَّرَ آخَرُونَ فَخابُوا    Имом Ҳасан (а)...

Тарҷумаи СУРАИ НИСО

СУРАИ НИСО Ин сура дар Мадина нозил шуда ва 176 оят дорад.   Ба номи Худованди Бахшандаи Меҳрубон Эй мардум! Аз Парвардигоратон битарсед, Зоте, ки...